Исхрана

ПОЈАДОК
Не почнувајте го денот со празен стомак, бидејќи ризикувате да го намалите шеќерот во крвта на многу опасно ниво. Затоа се препорачува здрав енергетски појадок кој ќе ви го направи денот убав.

Појадок во трчање
Направете комбинација од овесни снегулки, ленено семе, бадеми, сува брусница (или некое друго овошје) и полијте ги со млеко. За посладок вкус ставете една лажица мед. Ваквиот појадок содржи идеална рамнотежа помеѓу јаглените хидрати, протеините и мастите одржувајќи го инсулинот во нормала.

Појадок на нога.
Свежата овошна салата е вистинска утринска бомба за вашиот имунитет. Особено добро ќе им дојде на девојките што се борат со килограмите. Во игра влегува било кое овошје вклучувајќи го и она сувото. На пример, направете си салата со сезонското овошје, исечкајте јаболка, киви, портокали, мандарини, банани, фрлете неколку зрна суво грозје, една лажица мед и малку сок од цеден лимон.

Појадок во кревет.
Ако немате проблем со станувањето порано, тогаш можете да одвоите повеќе време за подготвувањето на појадокот. Направете салата од варени јајца, исечкајте ги на кругови и зачинете ги со малку сол, бибер и маслиново масло. Во комбинација со салатата каснете и малку интегрален леб и сварена броколи.
Појадокот е најважниот оброк во денот, но тоа не значи дека секој појадок е здрав за организмот.
Девојките кои редовно појадуваат, во просек се послаби од оние кои го прескокнуваат првиот оброк во денот. Покрај тоа имаат зголемена ментална и сила за поголема физичка активност. Појадокот е најважниот оброк во денот, но тоа не значи дека секој појадок е здрав за организмот.
Не се препорачува:
ДИМЕНА ХАРИНГА НА СКАРА


Кај нас, харингата не е секојдневен оброк, но е најдобрата риба. Богата е со масните киселини омега 3 и омега 6, кои помагаат при спречување на срцевата болест. Имајте на знаење дека оваа риба е доволно масна и солена, па затоа ваков појадок е доволен еднаш неделно.
Изобилува со Омега 3, Омега 6, протеини, калциум. Вкупно 125 калории.
ТОСТ СО ПУТЕР И ЏЕМ


Можеби изгледа како здрав избор, но путерот и џемот содржат премногу масти и калории. Доколку ви се допаѓа ваквиот оброк, на тостот ставете само тенок слој џем.
Изобилува со калциум, малку витамин Ц и Д. Вкупно 409 калории.
СЕНДВИЧ СО СЛАНИНА И КЕЧАП


Во овој појадок има повеќе сол и од хамбургер. Единствено е добар во борбата против мамурлакот.
Изобилува со витамин Б, малку железо. Вкупно 307 калории.
КРОАСАН


Кроасанот содржи голема количина на маснотии. Полнетите кроасани со мармалад или чоколадо речиси ја надминуваат дневната препорачана доза. Кроасанот е еден од оние оброци кои краткотрајно го снабдуваат организмот со енергија.
Изобилува со малку витамин А и Д, протеини. Вкупно 279 калории.
„ЅИДАРСКИ ПОЈАДОК" (леб, јајца, сланина, колбас, домат...)
Ваквиот појадок ја содржи дневната препорачана доза на маснотии за жени. Доматот е здрав зошто го олеснува варењето и го снабдува телото со витамин Ц, Б1 и Е. Сепак обидете се да го избегнувате овој вид на појадок.
Изобилува со железо, витамин Ц, влакна, калциум, фолна киселина. Вкупно 620 калории.
Се препорачува:
ВАРЕНО ЈАЈЦЕ И ТОСТ
Една жолчка содржи 13 важни хранливи материи, додека белката од јајце е извор на протеини. Додадете уште интегрален тост и ќе добиете енергетска бомба.
Изобилува со витамини А, Д, Е, Б, протеини, јод, цинк. Вкупно 185 калории.
КАЈГАНА И ДИМЕН ЛОСОС


Веќе напомнавме дека јајцата се извор на хранливи материи и протеини, а во комбинација со лосос, кој е богат со омега 3, е здрав и хранлив појадок.
Изобилува со витамин Д и Б, цинк, јод, протеини, омега 3. Вкупно 183 калории.
МЕКО ВАРЕНИ ЈАЈЦА, ТОСТ И ПРЖЕНИ ДОМАТИ
Јајцата содржат различни витамини и минерали, вклучувајќи ги и витамин Д за здрави коски, а меко варените јајца се ниски во калории. Доматот е корисен во борбата против ракот. Овој оброк е многу добро урамнотежен.
Изобилува со витамин А, Ц, Д, Е, Б12, јод, цинк, протеини. Вкупно 249 калории.
СВЕЖО ОВОШЈЕ САЛАТА
Овошјето содржи многу витамин Ц и природен овошен шеќер. Но, ако во оваа салата не додадете банана, јогурт или тост за многу брзо време ќе осетите глад. Само свежо овошје не е доволно балансиран оброк.
Изобилува со Витамин Ц и други антиоксиданси, влакна. Вкупно 67 калории.
ЖИТАРКИ


Житарките се нискокалорични, содржат мала количина на шеќер и брзо се варат.
ЈОГУРТ СО ЖИТАРКИ И ОВОШЕН КОМПОТ
Оброк богат со Витамин Ц, калциум, железо; 165 калории.
Одличен избор за појадок. Јогуртот (изберете јогурт со помалку масти) содржи калциум, житарките - растителни влакна, а компотот - витамин Ц и влакна.
ЧОКОЛАДНИ СНЕГУЛКИ
Оброк богат со Витамин Б, железо; 175 калории.
Овој оброк е ист како чоколаден бисквит. Содржи многу шеќер и малку влакна, наеднаш ја подигнува енергијата и брзо ја спушта.
ПЧЕНКАРНИ СНЕГУЛКИ СО РАЗЛИЧНИ ДОДАТОЦИ
Оброк богат со витамин Б, железо, фолна киселина; 180 калории.
Овие снегулки изгледаат како едноставен и лесен оброк, но тие содржат премногу шеќер, дури и повеќе од некои обилни десерти, па затоа не ги препорачуваме за појадок.
ОБИЧНИ ПЧЕНКАРНИ СНЕГУЛКИ
Оброк богат со витамини Б, железо, фолна киселина; 172 калории.
Овие житарки лесно се варат затоа што содржат мали количества на шеќер и масти. Тие не содржат растителни влакна, па затоа може оброкот да се збогати со свежо овошје.
КАША СО ОВЕС И СУВО ОВОШЈЕ
Оброк богат со витамин Б, антиоксиданси, влакна; 293 калории.
Кашата со овес има влакна во неа што помагаат при намалување на холестеролот во крвта и регулирање на шеќерот. Лесно се вари и дава долготрајна енергија. Сувото овошје е богато со природен шеќер и железо.
ПРОДУКТИ ЗА НАМАЛУВАЊЕ КИЛОРАМИ
Ако се обидувате да ги намалите килограмите, немојте да мислите дека храната е вашиот непријател. Наместо тоа, одберете ги правилните продукти со кои нема да гладувате, а сепак ќе ги намалите килограмите.

Овес
Овесот е полн со јаглеродни хидрати, но, овесот е житарка што има моќ да создаде чувство на ситост. Исто така овесот содржи состојки што го намалуваат холестеролот и мастите во крвта. Бавно се вари, со што не се зголемува шеќерот, но се создава чувство на ситост

Јајце
Јајцата се концентриран облик на животинските протеини, но без маснотии што ги има во месото. Замената на тостот или житарките за појадок со едно јајце, овозможува губење на повеќе килограми отколку што тоа го овозможува оброкот сочинет од јаглеродни хидрати.
Млеко


Докажано е дека комбинацијата на калциум, витамин Д и протеините, што се дел од млекото и јогуртот со намалени масти поттикнуваат поголемо топење на килограми, а притоа ја задржуваат масата на мускулите

Јаболка
Со јадењето на јаболка половина час пред оброкот се намалува внесувањето на калории. Јаболката го спречува нарушувањето на метаболизмот, високиот крвен притисок и покачениот холестерол. Исто така, јаболката содржи пектин кој се врзува со водата и ја намалува количината на маснотиите кои телото ги апсорбира.

Црвено месо
Најверојатно не можете да го замислите црвеното месо како диетална храна, но месото содржи големи количини на протеини кои помагаат за одржување на масата на мускулите.

Цимет
Овој зачин има голема сила за разградување на шеќерот. Со секојдневното консумирање на (една четвртина со две лажички) цимет можете да го намалите шеќерот во крвта и холестеролот дури за 10-20%. Овој зачин се нанесува на било кој оброк. Можете да го ставите дури во чај, млеко, кафе.

Бадем
Првата помисла на јаткасти овошја е дека содржат масти и дека дебелеат. Оревите, костените, бадемите, кикириките, лешниците, ф'стаците се калорични, но даваат многу енергија и исто така се многу хранливи и ефикасни во борбата против холестеролот и триглицеридите.
ШТО ТРЕБА РЕДОВНО ДА СЕ КОНЗУМИРА
Со едно јаболко дневно лимитирајте ја количината на маснотии
Треба многу да се внимава кога станува збор на храната. А поради брзиот начин на живот немате доволно време за да запазувате на тоа. Но, сигурно ќе најдете време за нешто што нема да ви одзема време во готвење и ќе ви помогне да водите здрав живот. Еве еден основен избор на храна што ќе го разбуди вашиот метаболизам и ќе ви помогне во согорувањето на калориите.


ЦИТРОНИ


Цитронот, портокалот, грејпфрутот, мандарината, лимонот - сите содржат концентрација на витаминот Ц кој помага во горење на калориите. Со додавање на овошје што содржи витамин Ц во диетата ќе го забрзате метаболизмот и ќе се ослободите од маснотиите.

СОЈА


Содржи лецитин што успешно се бори против вишокот килограми. Консумирајте соја барем 3 пати неделно и вашето тело ќе се ослободи од калориите.

ЈАБОЛКА
Јаболкото содржи пектин што се наоѓа во лушпата. Пектинот ја лимитира количината на маснотии што телото ги апсорбира. Со консумирање на едно јаболко дневно ќе успеете да ги намалите маснотиите.
Не заборавајте и да бидете активни!
Вежбањето е многу важно, го забрзува метаболизмот и ги гори калориите.

10 НАЈЗДРАВИ ПРОДУКТИ
Со правилен избор на храната можеме да излечиме слабокрвност, слабост, умор и секако да спречиме многу други сериозни здравствени проблеми.

Јајца
Едно јајце содржи само 70 калории и дури 13 од основните витамини и минерали како рибофлавинот, важни за здравата коса, нокти и кожа. Јајцето го содржи антиоксидансот лутеин, што е одговорен за заштита на очите од светлина и од УВ зраците.
Кромид


Сите видови на кромид (црвен, бел, виолетов, праз) придонесуваат за намалување на количеството на шеќер и холестеролот во крвта. Кромидот има антивоспалителни својства, го намалува ризикот од рак и го штити дигестивниот систем.

Ореви
Еден од најбогатите извори на Омега-3 незаситени масни киселини, се оревите. Бидејќи човекот не може сам да ги произведе, мора да ги внесува преку исхрана. Богати се со минерали на манган и бакар и имаат функција да го спречат ширењето на канцерогените клетки.

Јогурт
Покрај тоа што е богат извор на калциум, витамини и протеини, јогуртот ги содржи таканаречените добри бактерии што му помагаат на имунолошкиот систем

Шумско овошје
Јагоди, малини, капини, боровинки и рибизли се овошја кои кријат голема количина на фолна киселина, што доколку недостига во организмот предизвикува анемија. Покрај тоа, изобилуваат многу повеќе со витамин Ц отколку портокалите

Див лосос
Месото од див лосос содржи помалку токсини. Богато е со масни киселини, важни за здравјето на срцето и витамин Д важен за здравјето на коските
Киви


Содржи само 50 калории и содржи најмногу витамин Ц од било кое друго овошје. Богат е со калиум, важен за крвниот притисок, а недостатокот на калиум во организмот може да предизвика хроничен замор и слабост.

Квиноја
Мајка на житните култури. Малку е непозната во нашиот регион, но квинојата содржи повеќе протеини од било која друга житна култура. Исто така изобилува со калциум, железо, витамини Б и Е и фосфор. Кога е зготвена, може да се служи како оризот, јачменот и слични зрна. Според некои мислења, квинојата има вкус на комбинација од сусам и јачмен.

Чаеви
Сите видови на чаеви се најдобар сојузник во борбата против разните болести и настинки. Затоа, пиењето чај е здрава навика.

Мешунки
Грашокот, гравот, леќата, сојата, боранијата и другите членови на оваа група се богати со протеини, витамин Б, железо и цинк. Овие состојки се најпогодна замена за месо.
НУТРИЦИОНИСТИЧКИ ГРЕВОВИ
Производите што содржат шеќер даваат само краткотраен прилив на енергија и ја спречуваат апсорпцијата на минерали.
Правилата се едноставни - следете ги советите и ќе заборавите на проблемот со зголемената телесна тежина. Нормално, за да постигнете идеална линија треба да се потрудите малку повеќе, но ова е местото од каде треба да почнете. Така, за почеток, заборавете на утринското кафе...
СОЛ
Вашата навика да додавате сол во секој оброк може да биде причина за оние 2 килограми плус, за кои се чудевте од каде се појавија. Консумацијата на сол во големи количини предизвикува задржување на течноста во организмот, дуење на стомакот и дехидрација. Во таква состојба, организмот не може да ги разгради маснотиите доволно ефикасно, со што се отежнува процесот на слабеење. Наместо големи количини сол, користете бел лук или чили; лукот го зајакнува имунитетот, а чилито помага при согорување на маснотиите.
ШЕЌЕР


Шеќерот нема никаква хранлива вредност, затоа е најдобро да го избегнувате. Производите што содржат шеќер даваат само краткотраен прилив на енергија и ја спречуваат апсорпцијата на минерали. Истиот набрзо ќе исчезне, а кај вас повторно ќе се јави недостаток на енергија и умор. Затоа, заменете ги чоколадите и колачите со интегрални житарки, јаткасто овошје или други производи што содржат сложени јаглеродни хидрати.
КОФЕИН


Кофеинот е стимулативно средство што влијае на срцето и нервниот систем. Освен тоа, тој е причина и за краткотрајното покачување на крвниот притисок. Не е потребно целосно да се откажете од кафето, но паметно е да ја намалите бројката на испиени шолји кафе на ден. Можеби ви е тешко да му кажете „збогум" на опојниот мирис на вашето утринско кафе, но нема да зажалите ако истото го замените со шолја зелен чај.
ИСХРАНА ПО БОЈА
Дали знаете дека бојата на овошјето и зеленчукот има значење и може да ви помогне да составите паметно мени? Освен што е очигледен показател за тоа колку е свеж плодот и како е преработен, бојата ги открива и хранливите вредности. Токму тоа е предноста што треба да ја искористите.
Декорираната храна во чинијата секогаш успева да разбуди апетит, иако јадевте пред половина час. Всушност нутриционистите велат дека прехраната започнува со очите - боите и мирисот први ги задоволуваат сетилата. Но, да се вратиме на значењето на боите:
ЗЕЛЕНА
Зелената храна не дебелее!
Познато е дека зелената боја делува смирувачки, токму затоа нутриционистите ја препорачуваат на луѓето кои имаат навика брзо да јадат. Храната треба да се јаде полека; убаво сомелената храна ја олеснува работата на желудникот со што се забрзува исфрлањето на непотребните материи. Зелениот зеленчук (марула, краставица, тиквички, брокула, спанаќ, зелка) содржи многу железо, минерали и витамини, а со тоа позитивно делува на видот, забите и коските. Најдобрата вест е тоа што можете да го јадете во неограничени количини бидејќи воопшто не дебелее.
СИНА
Сината храна го забавува стареењето!
Сината или виолетовата храна, како што се модрите патлиџани, шумското овошје, грозјето, сливите и смоквите, позитивно делува на излачувањето урина, го забавува стареењето и го подобрува помнењето. Покрај тоа, ја намалува можноста за развој на тумор и кардиоваскуларно заболување.
ПОРТОКАЛОВА
Портокаловата храна е идеална за сончање!
Портокаловата боја значи виталност. Бидејќи ја подобрува дигестијата, се препорачува во вашата чинија секогаш да има по некој морков или после оброкот каснете портокал, мандарина, диња или праска. Но, портокаловите плодови се одликуваат со висока енергетска вредност, ако сакате да ја избегнете, направете компромис со лимон и грејпфрут. Портокаловото овошје и зеленчук, позитивно делува на имунолошкиот состав, видот и кожата. Исто така го намалува ризикот од тумор и кардиоваскуларни болести. Особено се препорачува да ја консумирате пред изложување на сонце.
ЦРВЕНА
Умерено со црвената храна, секогаш ќе ве остави гладни!
Исто како и портокаловата храна, така и црвената се препорачува пред сончање бидејќи го поттикнува лачењето на меланинот одговорен за заштита на кожата од сончевите зраци. Во црвеното овошје и зеленчук се крие рецептот за вечна младост - го кочат создавањето на слободни радикали, а со тоа го забавуваат стареењето. Но, не смеете да претерувате со црвената храна од причина што го буди гладот и предизвикува нервоза. Од друга страна, цвеклото, црвената пиперка, лубеницата, црешите, јагодите...позитивно делуваат врз имунитетот и го подобруваат памтењето.
ЖОЛТА
Жолтата храна го подобрува варењето.
Жолтата храна е решение за стресот бидејќи на телото му ја враќа потребната енергија и снага. Од тие причини, за време на стресот, јадете банани и ананас. Покрај ова, жолтата храна позитивно влијае на варењето на храната, еластичноста и свежината на кожата.
ДАЛИ СЕ СЛАБЕЕ СО ПОСТЕЊЕ
Кај некои луѓе, постот делува како вистинско освежување за организмот.
Постот подразбира воздржување од масната храна, но ако зборуваме за вистински христијански пост како актуелниот за Велигден, тогаш треба да заборавите на лошите мисли и дела. Оваа недела постот е најстрог, не е дозволено ниту маслото, додека во петок се препорачува целосно лишување од храна.
Постењето е вистински подвиг за секој верник бидејќи тоа значи приближување кон Бога, но се поголем е бројот на луѓето што постат со цел да ослабат. Тука се наметна прашањето, колку може да се ослаби со постење?
Речиси половина од луѓето што почнале да постат со цел да ослабат, се соочиле со контра ефект. Наместо во минус отишле во плус со килограмите.
Но, кај некои постот делувал како вистинско освежување за организмот. Поради фактот што не внесувате масна храна, а количеството на свежо овошје и зеленчук се зголемува, тогаш вие сте направиле вистинска детоксикација на организмот. Единствено што треба да пазите е да не претерате со тестенините.
Секој организам е различен, ако за некого зголеменото количество леб и тестенини веднаш се лепи, кај друг не прави разлика. Нашиот совет е да практикувате да јадете разновидна исхрана и за време на постењето. Изборот е ограничен, но не е намален. Не си правите услуга ако се закачите за еден производ. Ако забележите дека се здебелувате, намалете го лебот, а во моментите на криза јадете суво овошје или бадеми, ореви, лешници. Денес има и посно чоколадо, дозволете си два реда.
ОСНОВНИ СПЕЦИФИКИ ЗА ДИЕТАТА:
Појадокот е најважниот оброк од кој црпиме енергија до крајот на денот
Суштината на оваа диета не е во тоа што јадете, туку кога јадете.
Диетата дозволува внесување на било каква храна. Сладолед, пица, крофни... сето ова е дозволено за појадок се додека ги консумирате заедно со храна што изобилува со протеини и растителни влакна. Доколку го следите планот, авторката на диетата вели дека можете да изгубите до 45 килограми за 30 дена.
Ако јадете вистинска храна во вистинско време, ќе го забрзате метаболизмот и ќе ја задоволите гладот пред да ве натера да се залажете со нешто непотребно, за на крај да завршите со помалку килограми.
Во основа вие треба да внесувате 600 калории за појадок и уште 600 калории да распоредите за ручек и вечера.
ШТО Е ДОЗВОЛЕНО ЗА ЈАДЕЊЕ:
Секој ден треба да започнува со појадок, без разлика колку брзате за на работа или ве мрзи да подготвувате храна наутро. Но ова не значи дека треба да удрите на количина, а да го занемарите квалитетот. Вистинската комбинација на протеини, јаглеродни хидрати и слатки е есенцијална.
Како треба да изгледа еден стандарден појадок?
Омлет направен од 3 белки, малку сирење, исечкајте шунка и додадете свеж зеленчук на пример, пиперки.
Житарици со млеко.
Колачиња со млеко.
Овошен јогурт од јагоди.
Еве што е потребно да внесувате во секој дел од денот:
Појадок - треба да се состои од 7 протеински намирници ( од кои 2 млечни), 2 намирници што содржат јаглеродни хидрати, 2 масти и 1 слатко.
Ручек - 3 протеински намирници, 3 ниско калорични зеленчуци, 2 слатки зеленчуци како компир и 1 намирница е наменета за овошје.
Вечера - од 0-3 протеински намирници, неограничено количество на нискокалорични зеленчуци, 2 овошни намирници.
Протеините се неопходни во исхраната поради тоа што ве одржуваат сити и даваат енергија. Јаглеродните хидрати исто така се незаменливи...кога се консумираат рано наутро, наместо да се претвораат во масти, тие се трошат како енергија.
Во диетата се препорачува да се касне и нешто благо, рано наутро, за да се намали гладот што обично настапува во 10 часот. Еден ред чоколадо или 3 медени срца се доволно за да се задоволи потребата од шеќер.
ВРЕМЕНСКА РАМКА ЗА ЈАДЕЊЕ:
Започнувате со појадок 15 минути откако ќе станете од кревет, но никако после 9 часот (10 зимно време). Ручекот задолжително јадете го во два часот (во зима може и во три), а вечерата 3 до 4 часа подоцна.
Но што ако не сте гладни наутро или едноставно ви се гади да јадете штом станете? На почеток нема начин како да избегате од утринската мачнина, но со текот на времето телото ќе се приспособи.
Обилниот појадок ќе ве држи сити дури 14 часа, а тоа автоматски ќе ја намали потребата од храна во останатиот дел од денот. Но не смеете да го прескокнувате ручекот или вечерата, целта не е да се изгладнувате
ХРАНАТА НИЗ БРОЈКИ
Нездравата храна го зголемува ризикот од депресија за 60 %
Ризикот за депресија како резултат на редовното консумирање на нездрава храна, се искачил за неверојатни 60 %. Во студијата се вели дека антиоксидансите, што недостасуваат во нездравиот оброк, помагаат воборбата против депресијата. Како резултат на тоа доаѓа до нарушување на протокот на хранливи материи до мозокот.
АНТИДЕПРЕСИВНА СОСТОЈКА!
Леблебија, јадете ја во големи дози.
Црното чоколадо го намалува ризикот од срцево заболување за 26 %
Црното чоколадо го штити срцето од заболување. Истражувачите од Италија, препорачуваат консумирање половина штангла црно чоколадо, на секои три дена. Во истражувањето се вели дека ваквата количина го намалува ризикот од срцево заболување за 26 %. Ако го надминете лимитот, очекувајте да се здебелите.
Во последното истражување за придобивките од бадемите се вели дека тие го намалуваат нивото на холестерол во крвта за 30 %
Во последното истражување за придобивките од бадемите се вели дека тие го намалуваат нивото на холестерол во крвта за 30 %. Претходните сознанија говорат дека исто толку е намален ризикот од срцев удар. 31 % се однесува на намалените шанси од зголемување на телесната тежина, додека 8 % одат за зголемување на добрите бактерии во цревата.
Бразилските ореви содржат 2500 пати повеќе селен за разлика од било кое друго јаткасто овошје
Бразилските ореви се вистинска селенска бомба. Селен има и во житарките, морските плодови, житните снегулки и месото, но количината е неспоредлива во однос на бразилските ореви - содржат 2500 пати повеќе селен за разлика од било кое друго јаткасто овошје. Доволно е да се внесат 6 ореви за да се задоволи дневната потреба од селен. Затоа ако сте тажни и потиштени, бразилските ореви се вистинско природно решение.

АФРОДИЗИЈАК
Дали храната ја користите како афродизијак? Сигурно многупати сте прочитале дека виното, чоколадата...поседуваат моќ да ја разбудат страста помеѓу вас, но колку од тоа сте го примениле во практиката?
Ако не сте го сториле тоа досега поради сомнеж во дејствувањето, тогаш останува да прочитате зошто некои продукти имаат таква моќ. Патем сега е зима, сексот под отворено небо е речиси невозможен и затоа средбите се ограничени по дома. Но откако ќе ги испробате сите ќошиња во станот, можеби ќе се сетите и на храната.
Семки од тиква
Семките од тиква најмногу се препорачуваат во делот за разубавување бидејќи масните киселини и цинкот, кои се среќаваат во големо количество, позитивно влијаат на кожата и на косата. Но, освен за физичката убавина, семките може да ја подобрат и убавината на сексот. Доколку немате желба за секс, каснете неколку семки од тиква.

Интегрални житни продукти
Веќе споменавме дека витаминот Б е одличен сексуален активатор, а каде може да се најде повеќе од овој витамин ако не во житото. Но, тука не мислиме на белиот леб и на тестенините. Наместо нив, каснете кафен ориз и интегрален леб или грисини. Запомнете, така ќе ја одржите и линијата, а вашето тело несомнено ќе изгледа топ.

Целер
Дали јадете целер? Најчесто во македонската кујна се користи како додаток во супите и во некои манџи. Воопшто не изгледа вкусно како чоколада, но можеби ќе ве премислиме кога ќе чуете дека целерот го стимулира мозочниот дел што ги контролира секс-хормоните

Лосос
Секоја риба, особено лососот, содржи омега 3 масни киселини што го креваат нивото на допамин, нервотрансмитер што ја поттикнува желбата за секс и го засилува протокот на крв во гениталиите. Вечерата ќе ја завршите влажна и гладна за неговото тело.
Спанаќ


Спанаќот е синоним за железо , но освен тоа тој изобилува со витамин Б6 и фолна киселина. Токму поради таквите состојки се вбројува во најефективните афродизијаци. Просто речено, спанаќот продуцира секс-хормони

Шумско овошје
Изобилува со Ц и Е-витамини што спаѓаат во групата најголеми двигатели на сексуалниот нагон. Рибизлите изобилуваат и со витамин Б одговорен за функцијата на бубрезите, орган што е тесно поврзан со сексот.
ШЕЌЕРОТ ВО ИСХРАНАТА


По бурната ноќ, наутро посегнувате по сокот од портокал, јогурт или евентуално по некое овошје со надеж дека ќе се освежите. Можеби не знаете, но и во здравите продукти има многу шеќер кој може да влијае на телесната тежина и прејадувањето.
Всушност, во исхраната сe зависи од правилното комбинирање. Сe што е премногу не чини. За да не се доведете во ситуација да чекате резултати залудно, внимавајте на следново:
Читајте го составот на производите
Доколку на составот на производот, прв на листата е шеќерот, тогаш не барајте проценти. Тоа е доволен показател дека се работи за висококалоричен оброк. Ако шеќерот е подолу на листата, можете да го зголемите количеството на порцијата.
Намалете го шеќерот во појадокот
Многу често се случува појадокот да го саботираме со шеќер. Тој по правило треба да биде заснован на протеини и растителни влакна. Тоа нема да го добиете доколку појадувате џем или крем со шолја засладено млеко или житни производи. Наместо тоа, појадувајте варено јајце или омлет. Колку за пример, две варени јајца содржат 2 грама шеќер, додека две парчиња со крем содржат 47 грама шеќер.
Внимавајте со природните извори на шеќер
Иако грозјето е здраво, полната порција не е секогаш најдоброто решение. Од сите овошја, грозјето и црешите содржат највисок процент на шеќер. Еден грозд може да содржи 23 грама шеќер, додека еден цитрон содржи само 7 грама шеќер. Ова не значи да не јадете грозје, само внимавајте да не претерате со количеството.
Јадете ужинки со помалку шеќер
За да останете сити, помеѓу појадокот и ручекот мора да каснете нешто. Но, кој е најдобриот избор за да не испадне дека сте претерале. Диеталните сокови или овошните јогурти можеби мислите дека се слаби со шеќер, но погледнете двапати. Нема подобро од тоа да каснете мед со ореви или бонжита.
Правете селекција на слатките
Нема дилема дека слатките се најголемиот извор на шеќер, но и кај нив има разлики. Понекогаш навистина желбата за благо е голема, а не оди организмот да страда. Затоа задоволете ја потребата со шеќер. Наместо млечно чоколадо, одлучете се за црно

АЈВАР


Ајварот е традиционален македонски специјалитет без кој не можеме да ја поминеме зимата. Зборот ајвар потекнува од турскиот збор havyar што во превод значи „солена икра", затоа милуваме да го кажеме и македонски кавијар.
Саботите почнаа да мирисаат на печени пиперки додека неделите на готов ајвар, што значи дека сезоната за приготвување официјално почна. Денес на пазарот може да се најде и готов ајвар, но вкусот не може да се спореди со традиционално приготвениот во домашни услови.
Навистина работата околу ајварот е напорна, да се испечат, излупат и исчистат од семки сите тие вреќички со пипер. Но, колку имаме корист од тоа што го правиме со години наназад. Пиперките не се воопшто евтини, а сепак ги купуваме повеќе од месото.
Едно време се вртеа шпекулации дека во ајварот нема ниту еден витамин. За да видиме дали ваквиот факт е вистинит, ќе направиме анализа на содржината на пиперката.
За почеток ќе тргнеме од фактот дека пиперката содржи поголемо количество витамин Ц од портокалот. Од другите витамини се среќаваат витаминот Б, А и бета каротин, а од минералите присутени се калциумот, манган, селен, железо, бакар и калиум.
Пиперките се одлични антиоксиданси бидејќи помагаат во варењето на храната и исфрлањето на токсините од организмот. Лутите пиперчиња, а во овој случај лутеницата, се одличен природен афродизијак за во зимските денови.
И сами знаете дека секогаш е подобро зеленчукот и овошјето да се консумираат свежи, бидејќи при текот на термичката обработка се губи дел од витамините. Но, тоа не значи дека ги нема. Затоа наш совет е да ја продолжите традицијата на правење ајвар и нормално да го комбинирате во секојдневните оброци како додаток во исхраната.
СЕКОЈДНЕВНО Е ДОЗВОЛЕНО ДА СЕ ЈАДЕ:

Стебло од брокула
Докажано е дека стеблото содржи дури 50 % повеќе од против канцерогената  состојка, за разлика од главата. Ние велиме не фрлајте ништо. Јадете ја сварена или исечкајте ја во супа.
Маслиново масло


Заменете го маргаринот и путерот со масло од зеленчук. Тие содржат омега 3 и незаситени масти, кои го намалуваат холестеролот во крвта и штитат од срцеви заболувања.

Млеко и сирење
Телото апсорбира калциум најмногу од храна, а не од чоколадата.  Во комбинација со витаминот Д,  1500 до 2000 милиграми дневно ( чаша млеко содржи 300) значително го намалува ризикот од остеопороза.
храна како јогурт или расол
Истражувањата покажале дека освен што го јакнат имунитетот, штитат од рак на дојка и инфекции.

Природни сокови
Чаша од 100 % природен сок, значи без никаков шеќер, се препорачува да се пие секој ден. Бидејќи го намалува ризикот од мозочен удар за 20%.

Ореви
Една рака дневно го намалува ризикот од срцеви заболувања за 35 %. Тука спаѓаат и другите во групата како бадеми, лешници.

Чај
Без разлика дали е зелен, бел или црн чај, сите со одлични антиоксиданси. За зелениот чај одамна е потврдено дека содржи најмногу против канцерогени состојки, од било кое растение. Кога го варите имајте навика силно да ја притисете кесичката за да истечат најважните состојки.
Топло какао


За нормално отчукување и ритам на срцето, пијте 100 % чисто какао во кое можете да додадете и малку млеко.

Цреши
Научници од Финска, потврдиле дека црешата е одлична за срцето, штити од кардиоваскуларни болести, го намалува нивото на холестерол, го снижува високиот крвен притисок
ТРИКОВИ ЗА НАМАЛУВАЊЕ НА ЗГОЛЕМЕНИОТ АПЕТИТ
Без разлика дали сакате да ја намалите телесната тежина, да ја одржувате линијата, па дури и да сакате да се здебелите, тоа од што треба да тргнете сигурно не е диета. Најважен од сe е ставот спрема исхраната.
Доколку успеете да го смените односот кон храната, организмот веднаш ќе ви врати со помалку килограми, иста тежина секогаш кога ќе се качите на вагата или некој килограм плус поради кое ќе се чувствувате убаво.
За каков однос всушност станува збор?
Тоа е едно научено однесување кое го почитуваме уште од мали нозе. Нема станување од столот додека не се изеде сe во чинијата, ручекот мора да се јаде во 2 часот напладне без разлика што сте сити, достапни чоколада додека родителите се на работа...
Кој е одговорен што секогаш сме незадоволни кога ќе се погледнеме во огледало?
Нормално дека ние самите и нашата немоќ да контролираме што ставаме в уста. Намалувањето на количеството храна е еден од најтешките чекори за постигнување. Од мали не сме научиле и до 30 години не знаме колку всушност храна ни е потребна.
Како да го смениме односот спрема исхраната?
Прв чекор: секој може нешто постојано да грицка во устата, да се заблажува при толкав избор на чоколади и слатки. Затоа, тоа од што треба да тргнете е одговорното однесување кон храната. Односно, внимателно избирање на производите и количеството на порциите.
Втор чекор: создадете навика полека да ја џвакате храната. Олеснете му ја работата на желудникот  за храната побрзо да се свари. Зимајте мали залаци и џвакајте ги барем 30 пати.
Трет чекор: запрете кога ви е доволно. Понекогаш храната е толку вкусна што не тера да се прејадеме. Тоа повеќе не смеете да си го дозволите. Нека не ве понесува добриот вкус на јадењето. По оброкот треба да се чувствувате полни со енергија, а не уморни со тежина во стомакот. Вежбајте за да научите кога ви е доволно храна, а кога сте презаситени.
Четврти чекор: често јадеме по навика која ја влечеме од детството. Време е за ручек и мора да седнеме да јадеме или, пак, здогледавме храна, нашиот мозок знае каков е вкусот и веднаш се грабаме по неа.
Следниот пат кога ќе седнете да јадете завршете со јадењето 5 минути порано или, пак, кога во чинијата ќе остане четвртина од количеството. Направете пауза од десетина минути и повторно вратете се. Ќе видите дека нема да сакате да дојадете.
Или, пак, кога ставете храна во чинијата или сечете леб, не враќајте се да дотурате. Ако сте пресекле две кришки леб, имајте на ум дека немате право на уште. Следниот пат намалете на една.
Петти чекор: залажувајте го мозокот со тоа што ќе користите помала чинија. Кога ќе ставите храна во неа, ќе имате чувство дека јадете многу. Често гладот се задоволува и преку другите сетила. На пример, откако ќе зготвите оброк многу помалку ви се јаде бидејќи се задоволило сетилото за мирис.

СОВЕТИ ЗА ЗДРАВ ЖИВОТ
Почнете го денот со појадок. Појадокот е неопходен по цела ноќ помината без храна. Дава големо количество енергија создавајќи резерви во случај да се доведете во состојба на недостиг.
Раздвижете се. Одете со велосипед до кај пријателките, користете ги скалите наместо лифтот, додека траат рекламите правете вежби за истегнување. Изберете си неколку активности, или само една, кои ќе ви одземаат 30 минути од денот.
Мудро одбирајте ги грицките. Ужинките од еден до друг оброк се одлични бидејќи даваат дополнителна енергија и сила на организмот и на мозокот. Правете ротации при изборот, еден ден пијте чаша млеко, друг ден јадете суво овошје, трет ден грицкајте соленки, може и чипс само ако знаете да се контролирате и да изедете една рака,
Не јадете секогаш иста храна. Нема лоша храна сe додека не претерате со количините и честотата на типот на јадењето. Секој оброк и плод од природата содржи материи потребни за организмот. Не  ќе мора да се откажете од помфритот, хамбургерите, тестенините, сe додека ги јадете поретко и во умерено количество. Акцентот ставете го повеќе на овошјето и на зеленчукот.
Вклучете ги и останатите во здравите навики. Јадењето умерена и одбрана храна, пешачењето и воопшто здравиот начин на живот е помалку стресен и полесно приспособлив доколку го практикувате со другите. На тој начин ќе можете да се поддржувате едни со други и да се соочувате со искушенијата.
ДЕТОКСИКАЦИСКИ ПЛАН
На секое тело повремено му е потребно прочистување од нездравиот начин на исхрана, а најмногу од брзата храна. Покрај тоа  ќе ви помогне и да симнете некој килограм. Нема да има негативни ефекти врз крвната слика ако ја практикувате една недела. Но, не претерувајте. Направете пауза од една недела пред повторно да ја практикувате.
Дозволено е да јадете:

1. Овошје: дозволено е секакво овошје и тоа во каква било состојба, замрзнато, свежо, суво, конзервирано... Јаболко, лубеница, круши, цреши, јагоди, грозје, банани, киви, праски, сливи, боровинки.

2. Овошен сок: пијте домашно направен, цеден или готов, само да е без шеќер и без конзерванси.

3. Зеленчук: буквално сe ви е дозволено и тоа подготвено на каков било начин, печен, варен, ако сакате најмногу витамини внесувајте го свеж.

4. Риба: секаков вид, печена, варена, конзервирана. Избегнувајте пржена.

5. Апетисани: лешници, бадеми, ореви, индиски ореви важно е да не се солени.

6. Семиња: сончоглед, семки од тиква, сусам, ленено семе, несолени.

7. Несолени пуканки, јогурт, лук, магдонос и други тревки, маслиново масло, мед, црн пипер, чаеви, вклучувајќи ги и овошните.
Забрането е да јадете:
1. Црвено месо, пилешко и други форми на месо како колбаси, паштети, хамбургери.
2. Млеко, сирење, јајца, крем
3. Путер и маргарин.
4. Какви било тестенини како макарони, шпагети, кроасани, бисквити, пити и др.
5. Чипс и какви било грицки вклучувајќи ја и солената леблебија и бадеми.
6. Шеќер, чоколадо, џем...
7. Алкохол.
8. Какви било газирани пијалаци вклучувајќи ги и диететските.
Предлог за појадок:
1. Бананата исечкајте ја, додадете малку мед и слатка павлака или јогурт.
2. Свежо приготвена овошна салата полијте ја со слатка павлака или јогурт и додајте малку овес.
3. Направете овошна каша во која ќе ставите малку мед и слатка павлака.
4. Направете микс од семиња, апетисани, суво овошје и јадете ги со јогурт.
5. Свежо овошје со јогурт.
Предлог за ручек:
1. Подгответе супа од зеленчук, на пример од брокула, малку компир, морков и додајте малку соја или овесни снегулки.
2. Во сосот од конзервираната риба ставете црвен грав, пченка, боранија, морков, а потоа додадете ги  парчињата риба. Риба со зеленчук можете да најдете во секој супермаркет. Јадете ја со зелена салата.
3. Сварете ориз и зачинете го со црн пипер. Можете да го измешате со грашок и со пченка.
4. Направете летна манџа од свежи пиперки и домати, задолжително ставете лук и магдонос.
Предлог за вечера:
1. Сварете неколку млади компири, исечкајте ги во длабок сад. Во нив додадете пржени печурки во маслиново масло. Зачинете ги со малку сол, црн пипер. Ставете лук и сушен магдонос. Попрскајте озгора со неколку капки маслиново масло.
2. Во фолија ставете парче лосос, лимонов сок, парчиња лимон, магдонос, лук и маслиново масло. Ставете го во рерна да се пече. Служете го со печен домат и со варена пченка и грашок.
НАВИКИ КОИ ДЕБЕЛЕАТ
Доколку го прескокнете појадокот, за ручек ќе ви се јаде повеќе и нормално дека ќе внесете повеќе храна.
Ви се случило ли некогаш диетата и вежбањето да немаат никакви резултати?
Постојат неколку фактори кои влијаат на намалувањето на килограмите и баш напротив допринесуваат за нивно зголемување. Дознајте кои се тие фактори.
Компјутер
Колку пати ви се случило да седнете пред компјутер  и да останете 5 часа? Обидете се да ги договорите луѓето да излезете заедно, одете на кафе. Седењето пред компјутер нема да ви помогне во вежбањето и намалувањето на килограмите.
Телевизија
Според најновите истражувања, седењето пред телевизор и гледањето телевизија го забавува метаболизмот и варењето на храната се одвива побавно за разлика од варењето храна додека само мирно седиме и не прави ништо конкретно.
Прескокнување оброци
Не е убаво да се прескокнуваат оброците. Доколку го прескокнете појадокот, за ручек ќе ви се јаде повеќе и нормално дека ќе внесете повеќе храна. На тој начин, многу побрзо ќе огладнете и повторно ќе треба да јадете. Затоа, водете редовна исхрана и нема да имате проблеми со метаболизмот.
Благо и сокови
Заменете ги вештачките сокови со некое свежо овошје. Истото ваши и за благото. Ќе бидете заситени извесен период, но за брзо време повторно ќе бидете гладни и ќе сакате да јадете. Природниот шеќер повеќе заситува отколку вештачкиот.
Датум на раѓање
Според некои истражувања, децата родени во зима се склони на дебелеење за разлика од оние родени во лето. Причина за тоа се смета бавниот метаболизам на овие родени во зима.
Грижи
Стресот го предизвикува лачењето на оние хормони кои се задолжени за чување на маснотиите. Затоа, за да не ги ослободувате маснотиите премногу лесно, пружете си една релаксирачка масажа.
Јога и пилатес
Овие две вештини ги обликуваат и затегнуваат мускулите и телото, но не ги согоруваат калориите. Затоа обидете се да ги комбинирате со аеробик.
Лош сон
Заморот влијае врз нашата способност да ги согоруваме јаглените хидрати и го забавува метаболизмот. За да успеете во мисијата и да ги намалите килограмите, обидете се порано да си легнувате и секогаш добро да се наспиете.
ХРАНА ЗА ПОДОБАР НАДВОРЕШЕН ИЗГЛЕД
Школките, сончогледот и сардината се извор на масна киселина која го регулира протокот на хранливи материи и го одржува младешкиот изглед.
Покрај препаратите кои ги користите за да го подобрите надворешниот изглед, постојат и одредени хранливи продукти кои помагаат за подобрување на изгледот, а воедно и на здравјето. Кои се тие хранливи продукти?

РУЗМАРИН
Причина за појава на подочници се зголемената количина на сол и алкохол во организмот. За да го намалите количеството на сол, јадењата посолувајте ги со намирници како рузмарин, мајчина душица, магдонос, лук...

ЦЕЛЕР И МОРКОВ
Содржат целулоза која помага за отстранување на нечистотијата од забите.
КОЛАГЕН
Природен протеин кој на мускулите и кожата им дава облик и еластичност. За жал, се помалку се произведува колагенот, но може да го внесувате преку јадењето на темни овошја.
ЦИТРОН, ВИШНИ И БОРОВНИЦА
Полни се со антиоксиданси кои го намалуваат стареењето, болестите, настинките и ве прават помлада и поздрава.
ШКОЛКИ, СОНЧОГЛЕД И САРДИНА
Извор на масна киселина која го регулира протокот на хранливи материи и го одржува младешкиот изглед.
ЈАБОЛКО, КРАСТАВИЦА ИЛИ МОРКОВ


Доколку сте пиеле кафе, изедете една од овие намирници и ќе ги отстраните дамките од кафето на вашите заби.
БРОКУЛИ И СПАНАЌ
Го чистат црниот дроб од токсини, тешки метали и масти. Телото подобро ќе функционира, а видот и кожата ќе оздрават.
МЕСО И СИРЕЊЕ
Белковините во пилешкото месо, кашкавалот без масти и кравјото сирење помагаат при обновување на косата и подобар изглед на кожата.
СОЈА И ЛЕЌА
Доколку ви е доста од оброци со месо, пробајте да јадете соја и леќа. Изобилуваат со многу повеќе протеини.
БАДЕМОВО МЛЕКО
Бадемовото млеко изобилува со големи количини на магнезиум, калиум, бакар, селен, манган, калциум, витамин Е, омега 3 и омега 6 кои ќе ви го подобрат имунолошкиот систем.
Покрај тоа што овие наммирници ќе ве одржат здрави и витални, истите ќе ви го продолжат животот.

 

Вицотека

Дошла плавуша од возачки испит и ја прашува другата плавуша:
- Не разбирам како паднав на возачки испит? Дојдов до кружниот тек,на знакот пишуваше 30 и јас 30 пати кружев околу знакот.Инструкторот ми рече дека паднав!
На тоа другата плавуша рекла:
- Можеби грешно си броела..

Посетители

Има 92 гости присутни